[21.01.2012] KANN FESTİVALINA MORETTİ RƏHBƏRLİK EDƏCƏK
İtaliyalı kinematoqraf Nanni Moretti 65-ci Kann Festivalının münsiflər heyətinə rəhbərlik edəcək. “Frans Press” Agentliyinin verdiyi xəbərə görə, o, rejissor, ssenarist, prodüser və aktyor kimi tanınıb. Onun bütün bu peşələri birgə icra etdiyi “Oğlumun otağı” filmi 2001-ci ildə Kann Festivalının “Qızıl Palma Budağı” mükafatına layiq görülüb. Morettinin filmləri sırasında “Bahalı gündəlik”, “Aprel”, “Kayman” və “Bizim Atamız var” ekran əsərləri də var. Bundan əlavə, o, “Hərənin öz kinosu” almanaxının yaradılmasında iştirak edib, bu layihə çərçivəsində Devid Kronenberqin, Aleksandro Qonsales İnyarritu, Andrey Konçalevski, Devid Linç, Roman Polanski və s. məşhur rejissorlar bir sıra novellaları ekranlaşdırıblar. Moretti bildirib ki, Kannda dünyanın ən böyük kinofestivallarından birinin münsiflər heyətinə rəhbərlik etmək onun üçün “böyük sevinc və eyni zamanda böyük məsuliyyət”-dir....

[21.01.2012] GƏLİNİ “GƏLİNCİK” EDƏN SƏNUBƏR İSGƏNDƏRLİ VƏ MÜASİR QAYINANALAR
Hər həftə televiziya tamaşaçılarının böyük maraqla izlədikləri \"Qayınana\" serialının əsas qəhrəmanı, Afət rolunun ifaçısı, Akademik Milli Dram Teatrının aktrisası, əməkdar artist Sənubər İsgəndərli müasir qayınanalar barəsində fikirlərini Milli.Az oxucuları ilə bölüşür. - Sənubər xanım, Afət rolunun qısa zamanda sevilməsi və tamaşaçıların seriala həvəslə baxmalarının əsas səbəbkarı sizsiniz desək, yanılmarıq. Nəinki rolunuzun öhdəsindən məharətlə gəlirsiniz, hətta çəkiliş zaman ssenaridən kənar ekspromtlarınız, mimika və jestlərinizlə əsl müasir qayınana modelini asanlıqla yaradırsınız. Birdən müasir qayınanalar sizə baxıb örnək götürsələr, onda necə olacaq? - Dünya durduqca qayınana-gəlin münasibətləri aktual olacaq. Müxtəlif dövrlərin özünəməxsus qayınana-gəlin modeli olub. Mənim oynadığım qayınana sırf bu günümüzün, yəni müasir zamanəmizin qayınanasıdır. Seriala baxanlar təsdiqləyərlər ki, Afət xanım bir fərd olaraq əslində çox ürəyi təmiz, mərhəmətli, əliaçıq, hər kəsin köməyinə gələn biridir...

[20.01.2012] “20 YANVAR” HADİSƏLƏRİNİ ÇƏKƏN FƏDAKAR KİNO OPERATORLARI
1990-cı il 20 yanvar hadisələrini kinоlеntə köçürməklə tarixin vizual yaddaşına həkk еdən “Salnamə” sənədli filmlər studiyası (indiki “Salnamə” kinostudiyası) sözün həqiqi mənasında qəhrəmanlıq göstərib. Hadisələr zamanı “Salnamə” sənədli filmlər studiyasının dirеktоru Xamis Muradovun rəhbərliyi altında studiyanın rejissor və operatorları həmin vaxt Azərbaycanda baş vеrən hadisələri çəkməklə tariximizin bu önəmli məqamlarını kinolentin yaddaşına köçürüblər. ...

[20.01.2012] AZƏRBAYCANDA SON 10 İLİN ƏN YAXŞI FİLMİ HANSIDIR?
Sərdar Cəlaloğlu: «Türkiyədə Məmməd Fatehin 3 dəqiqəlik çəkilişi üçün 150 milyon sərmayə qoyulub, amma «Cavadxan» filminə ümumilikdə 500-600 min manat. Hansı keyfiyyətdən danışmaq olar?» Hər il dünyanın tanınmış kino şirkətləri, eləcə də ayrı-ayrı ölkələrin nüfuzlu qurumları tərəfindən müsabiqələr keçirilir və ünlü kino xadimlərinin iştirakı ilə ilin «ən yaxşı film»ləri, «onluq»lar, «beşlik»lər, «üçlük» lər…

[20.01.2012] OSKAR ÜZRƏ ƏN YAXŞI XARİCİ FİLM NOMİNASİYASINA İDDİAÇILAR SEÇİLİB
Oskar üzrə ən yaxşı xarici film nominasiyasına iddiaçılar seçilmişdir. Hollivudda Oskar üzrə ən yaxşı xarici film nominasiyasına iddiaçılar arasında alman rejissoru Vim Vendersin “Pina”, İran rejissoru Əsğər Fərhadinin “Nader və Siminin boşanması”, İsrail rejissorunun “Haşiyə” filmi də vardır. İndi amerikalı kinoakademiklər 9 film arasından mükafat uğrunda mübarizə aparacaq 6-nı seçməlidirlər. Qızıl heykəlcik uğrunda mübarizə fevralın 26-da başlayacaqdır.

[19.01.2012] \"CƏNUBDA ŞİMAL KÜLƏYİ\"
Yanvarın 19-da Kinematoqrafçılar İttifaqının təşkilatçılığı ilə 1990-cı ilin 20 yanvar hadisələrindən bəhs edən “Cənubda şimal küləyi” qısametrajlı sənədli filminin nümayişi olacaq. Sənədli ekran əsəri Mədəniyyət və Turizm Nazirliyinin dəstəyi ilə “Salnamə” kinostudiyasında istehsal olunub. Film 20 yanvar hadisələrinin naməlum epizodlarına – rus ordusunun Azərbaycanın cənub rayonlarında törətdiyi qırğınlara-həsr olunub. ...

[18.01.2012] AZƏRBAYCANLI REJİSSOR: “ÇOX MARAQLI OLACAQ”
Rejissor Samir Kərimoğlunun Milli.Az-a müsahibəsi… - Kinoda uğur qazanmağınızın sirri nədədir? - Məncə, bu sirr deyil. Bütün dünya praktikasında belədir ki, gərək çalışasan. Bu sənətə başladığım gündən bəri bir gün də olmayıb kı, boş dayanım. Hər ilim, hər günüm, hər ayım çalışmaq olub. 2006-cı ildə ilk filmimi çəkdim, demək olar kı, uğurun başlanğıcı da ondan başladı. Bu boyda məsuliyyəti öz üzərimə qorxmadan götürdüm....